د نورستان د اداره او حسابدارۍ انسټیټوټ د زده کړیالانو اوومې دورې فراغت مراسم ترسره شول
د نورستان د مرکز ادارې او حسابدارۍ انسټیټوټ د محاسبې او بانکدارۍ څانګې د فراغت اوومه دوره فراغت غونډه د د یاد ولایت د سیمه ییزو چارواکو په شتون کې ترسره شول.
په یادو مراسمو کې د محاسبې او باګدارۍ له څانګو څخه ۱۵ تنو فارغانو د فراغت سندونه ترلاسه کړل.
د غونډې په پیل کې د نورستان ولایت د تخنیکي او مسلکي زده کړو زده کړو آمر حضرت الله وحدت زده کړیالانو ته د فراغت مبارکي وویله او له هغوی یې وغوښتل چې د دوی په د احساس په درک او مسؤلیت په منلو سره د خپل هېواد د پرمختګ لپاره په کلکه کار وکړي.
د نورستان والي حافظ محمد اغا حکيم هم خبرې وکړې او فارغانو ته يې په خطاب کې وويل: "له دې وروسته تاسو يو ستر مسووليت پر غاړه لرئ د خلکو او خپلې ټولنې ته د خدمت په موخه له هيڅ ډول هڅو او کار څخه ډډه مه کوئ."
د نورستان والي تخنيکي او مسلکي زده کړې د يوه هېواد د پرمختګ څرګندونه وبلله او ويې ويل چې یاده اداره په عصري ټولنه کې ډېره مهمه ده.
