د نصاب او د ښوونکو د روزنې ریاست خپل کاري راپور وړاندې کړ!
د تخنیکي او مسلکي زده کړو ادراې د نصاب او ښوونکو د روزنې ریاست د خپلو فعالیتونو او لاسته راوړنو راپور رهبرۍ لاندې وړاندې کړ.
په پيل کې د نصاب او ښوونکو د روزنې ریاست رئیس ښاغلی مولوي عصمت الله منير د ياد ریاست فعاليتونو ته په اشارې سره وويل، چې تر دې مهاله د ځانګړو زده کړو او کرنې په برخو کې ١٨٦ زره کتابونه چاپ شوي دي.
همدارنګه د تعلیمي نصاب بیا کتنه، په ځانګړي ډول د ځانکړو زده کړو، د وترنری څانګو، د نفتو او ګازو او د ګټورو لیکچرونو ترتیب د نصاب او ښوونکو د روزنې ریاست له نورو لاسته راوړنو څخه دي.
د نصاب او ښوونکو د روزنې ریاست رئيس د كاركوونكو كموالى او د دې رياست د ماشينونو د ترميم لپاره د بودجې نشتوالى د دې رياست له عمده ننګونو څخه ياد كړل.
د تخنيکي او مسلکي زده کړو ادراې رئيس مولوی غلام حیدر شهامت د راپور له اورېدو وروسته د دغه رياست د درسي نصاب کيفيت او ظرفیت ته د جدي پاملرنې غوښتنه وکړه.
ښاغلي شهامت د مسلکي استادانو پر ګمارلو هم ټینګار وکړ او ویې ویل، چې له سیمینار پرته باید هیڅ استاد ونه ګمارل شي.
د تخنيکي او مسلکي زده کړو ادراې سرپرست د نصاب او ښوونکو د روزنې ریاست ته لارښوونه وکړه، چې هېچا ته دې اجازه ورنه کړي، چې د دوی په کارونو کې لاسوهنه وکړي او ټينګار وکړ چې " هیڅوک حق نه لري چې په تعلیمي او تحصیلی چارو کې لاسوهنه وکړي."
