د میدان وردګو ولایت جلریز کثیرالرشتوي انسټیټوټ زده کوونکو ته د چرګوړو ويستلو «چوچه کشۍ» ماشین په اړه روزنه ورکړل شوه
د میدان وردګو ولایت جلریز کثیرالرشتوي انسټيټوټ د کرنې څانګې یوولسم ټولګي زده کوونکو ته د تخنیکي او مسلکي زده کړو ادارې د عملي زده کړو په چوکاټ کې د کرنیزو ماشینونو په اړه په عملي ډول روزنه ورکړل شوه.
په دې درسي جلسه کې، نوموړو د چرګوړو ويستلو «چوچه کشۍ » ماشین په اړه هم په عملي بڼه روزنه ترلاسه کړه، دغه راز لارښود استاد د هغوی پوښتنو ته ځوابونه هم وویل.
عملي زده کړې، د زده کړو د بنسټیزو ستنو په توګه، محصلینو سره مرسته کوي ترڅو دندې رامینځته او د کار په بازار کې د جذب کېدو توان ترلاسه کړي.
له همدې امله، د تخنیکي او مسلکي زده کړو ادارې رهبري د تخنیکي او مسلکي زده کړو په مرکزونو کې د عملي زده کړو پر لا پیاوړتیا ټینګار کوي.
