د مهاجرینو چارو له وزارت سره د څیړنې او نوښت ریاست د یوه پلاوي غونډه ترسره شوه
د تخنیکي او مسلکي زده کړو ملي ادارې د څیړنې او نوښت ریاست یوه پلاوي د یوې ناستې په ترڅ کې د مهاجرینو او راستنیدونکو چارو وزارت د داخلي بې ځایه شویو ریاست له مسوولینو سره وکتل.
په دې کتنه کې نوموړو د مهاجرینو چارو وزارت د اړتیا وړ څانګو د نیازسنجۍ او تحلیل په اړه بحث وکړ.
دغه راز په دې ناسته کې دواړو لورو خپل نظریات او لیدلوري سره شریک کړل او په دې اړه لازم تصمیمونه هم ونیول شول.
دا په داسې حال کې ده، چې د تخنيکي او مسلکي زده کړو ملي ادارې د پروګرامونو د څېړنو رياست تر دې مخکې هم د تعلیمي څانګو د اړتياوو د ارزونې په اړه له يو شمېر بنسټونو سره ناسته تر سره کړې ده.
