د لغمان ولایت د مرکز تخنیکي او مسلکي لېسې وضعیت وڅېړل شو
د تخنیکي او مسلکي زده کړو ادارې یو پلاوي، لغمان ولایت ته په سفر کې ددغه ولایت د تخنیکي او مسلکي زده کړو لېسې وضعیت وڅېړه.
هغوی د صنفونو او زده کړیالانو له عملي کارونو څخه لیدنه وکړه.
ښاغلي مفتي فضل الرحمن فاضل، د مالي او اداري چارو مرستیال په دغه لیدنه کې د زده کوونکو ستونزې او وړاندیزونه واورېدل او د حل کولو وعده یې وکړه.
ولایتونو ته د دغه پلاوي د سفر موخه، د تخنیکي او مسلکي زده کړو مرکزونو ستونزو او مشکلاتو ته د حل لاره پیدا کول عنوان شوي دي.
دغه پلاوي مخکې، پروان، کاپیسا او ننګرهار ولایتونو ته هم سفر کړی دی.
