د لغمان تخنیکي لیسې زدهکوونکو ته د «ای سي اېم» عملي زدهکړه ورکړل شوه
د لغمان ولایت مرکز تخنیکي او مسلکي لیسې زدهکوونکو د یوه درسي جلسې په ترڅ کې د موټرو د ای سي اېم (ACM) سیستم په اړه عملي زدهکړه ترلاسه کړه.
دا درسي جلسه د اړوندې څانګې استاد تر څارنې لاندې او د میخانیک او نقلیه وسایلو د ترمیم په برخه کې زدهکوونکو ته د عملي مهارتونو د پیاوړتیا په موخه ترسره شوه.
په یاده جلسه کې زدهکوونکي د ACM له جوړښت، اجزاوو او کار کولو له طریقې سره بلد شول او په عملي ډول یې وڅېړه.
زدهکوونکي وایي، هغه عملي زدهکړې چې د بازار له اړتیاوو سره سمون ولري، د کاري ځواک په چمتو کولو او د دوی کار بازار ته د ښه داخلېدو په برخه کې مهم رول لري، او دوی د دغو عملي زدهکړو د لا پیاوړتیا غوښتنه کوي.
ای سي اېم (ACM) په نقلیه وسایلو کې یو هوښیار سیستم دی، چې له لارې یې د موټر د انجن لړزه کمېږي.
