د خوست ولایت اړوند ځانګړو زده کړو مسلکي لېسې د تعمیر بیارغونه
د خوست ولایت تخنیکي او مسلکي زده کړو آمریت په یاد ولایت کې د ځانګړو زده کړو مسلکي لېسې ځینې برخې بیارغولي دي .
د خوست ولایت د تخنیکي او مسلکي زده کړو آمریت مسؤلین وايي چې نوموړو د یاد ولایت د مقام دفتر په همکارۍ سره یې د ځانګړو زده کړو مسلکي لېسې ځینې برخې "کانکریټ" کړې دي.
د خوست ولایت د ځانګړو زده کړو مسلکي لېسې استادانو او کارکوونکو د خوست مقام دفتر ددې نیک اقدام څخه د قدرداني او ستاینې ترڅنګ، د لا زیاتې همکارۍ غوښتونکي هم دي.
په ورته وخت کې، د ولایت د مقام دفتر چارواکي هم د تخنیکي او مسلکي زده کړو له ادارې سره د لا زیاتو همکاریو ډاډ ورکوي.
