د تعلیمی او تحصیلی چارو رئیس د کابل د ښوونکو روزنې او اوتومیخانیکي انسټیټونو څخه لیدنه وکړه
د تعلیمی او تحصیلی چارو رئیس استاد ګل محمد سجاد د تعلیمی او تحصیلی څارنې او ارزونې رئیس لعل پادشاه فقیرزاده د کابل اتومیخانیکي او د ښوونکو روزني انسټیټونو د ازموینې له بهیر څخه لیدنه وکړه.
د دې لیدنې موخه د دغو دوو روزنیزو مرکزونو د ازموینو د بهیر څارنه وه.
د تعلیمی او تحصيلي څارنې او ارزونې رئيس په ازموينو کې پر روڼتيا د ټينګار ترڅنګ وويل، چې ازموينې بايد په شفاف ډول ترسره شي، ترڅو د هېڅ زده کوونکي حق له لاسه ورنکړل شي.
د تعلیمی او تحصیلی چارو رئیس په روڼتيا د ټينګار تر څنګ وويل: "زده کوونکي د ښوونکي د زوی په څېر دي، نو هېڅ پلار نه غواړي چې ماشوم يې په ازموينه کې ناکام شي، موږ ستاسو د ازموينو د شفافيت د څارنې لپاره راغلي يو."
ښاغلي سجاد زیاته کړه، چې د تخنیکي او مسلکي زده کړو ادارې مشرتابه او د لوړو زده کړو وزارت په هڅو او همکارۍ توانېدلي، چې په دولتي پوهنتونو کې د انسټیټونو د فارغانو د داخلې سلنه راټیټه کړي.
