د تخنیکي او مسلکي زده کړو ادارې کارمندانو ته د ظرفیت لوړولو پروګرام ترسره شو
د تخنیکي او مسلکي زده کړو ادارې د کارکوونکو چارو ریاست، د فرمانونو د تعقیب او نظارت لوی ریاست د پلتنې معاونیت سره په همکارۍ، د یادې ادارې یوشمیر کارمندانو ته د ظرفیت لوړولو پروګرام ترسره کړ.
په دې ښوونیز پروګرام کې د تخنیکي او مسلکي زده کړو ادارې اړوند د داخلي پلتنې ریاست څخه ۱۱ تنه کارمندانو ګډون کړی، چې نوموړي به د ۷ کاري ورځو په ترڅ کې د «پلټنې د اصولو» په اړه روزنه ترلاسه کړي.
د کارکوونکو چارو ریاست د مسؤلینو په وینا، د دې پروګرام د ترسره کیدو موخه په څارنیز او پلټنې برخو کې د کارمندانو د ظرفیت لوړول دي.
دا په داسې حال کې ده چې د تخنیکي او مسلکي زده کړو ادارې د کارکوونکو چارو ریاست تل هڅه کوي چې د ورته پروګرامونو په جوړولو او پلاره اچولو سره د یادې ادارې د کارمندانو د پوهاوي کچه لوړه کړي.
