د تخنیکي او مسلکي زده کړو ادارې په مشرۍ د تدارکاتو امریت کاري راپور وړاندې کول
د تخنیکي او مسلکي زده کړو ادارې د تدارکاتو امر عصمت الله پایور؛ خپل کاری راپور د تخنیکي او مسلکي زده کړو ادارې مشر مولوی غلام حیدر شهامت ته وړاندې کړ.
ښاغلي پایور د تخنیکي او مسلکي زده کړو ادارې د اړتیاوو په برابرولو، او پوره کولو کې د تدارکاتو امریت رول مهم وباله.
نوموړي د دې برخې ستونزې او ننګونې د تخنيکي او مسلکي زده کړو ادارې مشر مولوی غلام حیدر شهامت ته وړاندې کړې. د ښاغلي پایور په وینا؛ د برخه والو د همغږۍ او همکارۍ نشتوالی، د مسلکي او تجربه لرونکو کارکوونکو کمښت او د نغدو پیسو کمښت په دې برخه کې عمده ننګونې دي.
د تخنیکي او مسلکي زده کړو ادارې د تدارکاتو امر؛ نوموړي د ۱۲۴ زره ټوکو کتابونو چاپ، د تېلو فراهم سازی، د ادارې له خوا د اړتیا وړ انټرنټ تمدید او د ۱۴۰۱ کال لپاره د تدارکاتی پلان چمتو کول په تېرو درېیو میاشتو کې د دې ادارې مهمې لاسته راوړنې وبللې.
د تخنیکي او مسلکي زده کړو ادارې مشر؛ د تدارکاتو امریت کاري راپور واورید او ویې ویل، چې خپل صلاحیت له مخې به د تدارکاتو په ګډون د ټولو څانګو ستونزې هوارې کړي.
د تخنیکي او مسلکي زده کړو مولوی غلام حیدر شهامت دغه برخه مهمه وبلله او د تدارکاتو امریت ته يې لارښوونه وکړه، چې د دغه ادارې د بودجې په شفاف لګښت کې ځواب ویونکی وی.
