د تخنیکي او مسلکي زده کړو ادارې پلاوي د بادغیس له والي سره وکتل
ولایتونو ته د تخنیکي او مسلکي زده کړو ادارې لېږلې پلاوي د انسټیټونو او مسلکي ښوونځیو تر څارنې وروسته د بادغیس ولایت له والي سره وکتل.
یاد پلاوي په بادغیس ولایت کې د تخنیکي او مسلکي زده کړو د مرکزونو ستونزې د یاد ولایت له والي سره شریکې او د ستونزو د حل په برخه کې یې د همکارۍ غوښتنه وکړه.
د تخنيکي او مسلکي زده کړو ادارې پلاوي د دغه ولايت په مسلکي ښوونځیو او انسټیټونو کې د زده کوونکو او زده کړیالانو د جذب زياتوالي په برخه کې د بادغيس د والي د ځانګړې پاملرنې غوښتنه وکړه.
د بادغيس والي د همکارۍ ژمنه وکړه او ويې ويل، چې د دغه ولايت د تخنيکي او مسلکي زده کړو د آمریت د ودانې په ګډون ټولې ستونزې به ډېر ژر حل شي.
