د تخنیکي او مسلکي زده کړو ادارې هالنډ "ایتو" موسسې له چارواکې سره خبرې اتری وکړې
د تخنيکي او مسلکي زده کړو ادارې سرپرست مولوي غلام حيدر شهامت هالنډ "ITO" موسسې له چارواکې هانس اوترلو سره په مجازي ناسته کې خبری اتری وکړی.
د تخنيکي او مسلکي زده کړو له ادارې سره همکاري د دې خبرو تمرکز و.
ښاغلي شهامت د ایتو موسسې د یوولس (۱۱) کلنو کړنو ستاینه، او د تخنیکي او مسلکي زده کړو له ادارې سره یې د دغې پروژې د همکاریو د دوام غوښتنه وکړه.
د تخنيکي او مسلکي زده کړو ادارې سرپرست ټينګار وکړ، چې د "آیتو" موسسې همکاري او ملاتړ بايد له هر ډول سياسي مسايلو او شرايطو پرته وي.
هغه زیاته کړه چې دا مهال د افغانستان خلک د پوهنې په برخه کې لا زیاتو مرستو او همکاریو ته اړتیا لري.
په ورته وخت کې د هالنډ «ITO» موسسې چارواکې هانس اوترلو له دغې ادارې سره د همکاریو د دوام لپاره خپل چمتووالی اعلان کړ او په افغانستان کې یې د تخنیکي او مسلکي زده کړو په برخه کې د دوی رول مهم وباله.
هغه د تخنیکي او مسلکي زده کړو پوهنتون علوم کاربردی د جوړولو په برخه کې د همکارۍ ژمنه هم وکړه او ویې ویل: موږ کولای شو چې پوهنتون علوم کار بردی په ملاتړ او د مسلکي او تجربه لرونکو استادانو په درلودلو سره دغه اداره لا پیاوړې کړو.
