د تخنیکي او مسلکي زده کړو ادارې مشرتابه غونډه ترسره شوه
د تخنيکي او مسلکي زده کړو ادارې مشرتابه ناسته د دغې ادارې د ښاغلي مولوي غلام حيدر شهامت په مشرۍ ترسره شوه.
د دغې غونډې په پیل کې د تېرې غونډې پرېکړې وڅېړل شوې او اړوندو ریاستونو د خپلو کړنو راپور وړاندې کړ.
د دغې ناستې په دوام کې د هغو عوایدو د راټولولو څرنګوالي په اړه بحث وشو چې د مالیې وزارت له خوا د تخنیکي او مسلکي زده کړو ادارې لپاره شوي وو او د اړوندې کمېټې غړو یې په اړه خبرې وکړې.
په ورته وخت کې د تخنیکي او مسلکي زده کړو ادارې د مشرتابه په نننۍ غونډه کې د تخنیکي او مسلکي زده کړو د کادري استادانو/ فني غړو په اړه تفصیلې خبرې وشوې او په دې اړه لازم تصمیمونه ونیول شول.
ښاغلي مولوي شهامت د کادري استادانو/فني غړو د قدم د ارتقاء په برخه کې په روڼتیا ټینګار وکړ او زیاته یې کړه چې استادان په ټولنه کې ځانګړی ارزښت او مقام لري.
غونډه د افغانستان د خلکو او د نړۍ د مسلمانانو لپاره د خیر دعا په ویلو سره پای ته ورسیده.
