د تخنیکي او مسلکي زده کړو ادارې سرپرست د پروان تخنيکي انسټیټوټ څخه لیدنه وکړه
د تخنیکي او مسلکي زده کړو ادارې سرپرست ښاغلي مولوي غلام حیدر شهامت د پروان ولایت د تخنیکي او مسلکي زده کړو له مرکزونو څخه د لیدنې په ترڅ کې د یاد ولایت په مرکز کې د تخنیکي انسټیټوټ وضعیت بررسي کړ.
دغه راز د تخنیکي او مسلکي زده کړو ادارې پلاوي د پروان د تخنیکي انسټیټوټ د محصلینو د آزموینې له بهیر څخه لیدنه وکړه او د هغوی د ستونزو او اړتیاوو په اړه یې له یو شمېر محصلینو سره یې په مستقیمه توګه خبرې اترې وکړې.
ولایتونو ته د نوموړي پلاوي د سفر موخه د ستونزو څېړل او د تخنیکي او مسلکي مرکزونو د اړتیاوو د حل د څرنګوالي معلومول دي.
