د تخنیکي او مسلکي زده کړو ادارې سرپرست د لومړۍ نمبر لیلیې له ترمیم څخه څارنه وکړه
د تخنيکي او مسلکي زده کړو ادارې سرپرست ښاغلي مولوي غلام حيدر شهامت د دغې ادارې د لومړۍ نمبر ليليې د بيارغونې چارې وڅارلې.
هغه د لومړۍ نمبر لیلیې د بیارغونې له چارو څخه د لیدنې پر مهال د دې پروژې په کار کې پر شفافیت ټینګار وکړ.
د تخنيکي او مسلکي زده کړو ادارې سرپرست د دغې ادارې د انجنيرانو په شتون کې د موادو له کيفيت څخه ليدنه وکړه.
ښاغلي مولوي شهامت دا هم وویل چې د دې پروژې کار باید د قرارداد د متن له مخې او په پوره روڼتیا سره ترسره شي.
په ورته وخت کې مولوي غلام حیدر شهامت د کابل اتومیخانیکي له بېلابېلو برخو څخه هم لیدنه وکړه او مسئولینو ته یې د یو شمېر مسایلو په اړه لازمې لارښوونې وکړې.
