د تخنیکي او مسلکي زده کړو ادارې اصلاحي غونډه ترسره شوه
د تخنیکي او مسلکي زده کړو ادارې اصلاحي غونډه د یادې ادارې د کارمندانو په ګډون او د هیواد د یو تن دیني عالم شیخ راز محمد مستغفر په وینا ترسره شوه.
شیخ راز محمد مستغفر په دې درسي ناسته کې د عصري او دیني علومو د حاصلولو د اهمیت او ارزښت په اړه بحث وکړ.
نوموړي وویل چې نن ورځ هیواد مسلکي او متخصصو کسانو ته اړتیا لري. هغه دا هم زیاته کړه چې د دیني علومو ترڅنګ د عصري علومو زده کړه هم اړینه ده او د ټولنې په پرمختګ او سږکالۍ کې مهم رول لوبوي.
په ورته وخت کې، شیخ مستغفر د ددې اصلاحي پروګرام له ګډونوالو وغوښتل چې شفقت، مهربانۍ او همکارۍ ته لومړیتوب ورکړي او د خپلو مسلمانو وروڼو سره د په غوره اخلاقو سره چلند وکړي.
د تخنیکي او مسلکي زده کړو ادارې اصلاحي غونډه په اونۍ کې یو ځل د ارشاد او دعوت ریاست لخوا ترسره کیږي، چې په یادې ناسته کې پر مهمو عقیدتي مسایلو بحث کیږي.
