د تخنيکي او مسلکي زده کړو ادارې مشر د کار او ټولنيزو چارو وزارت له معين سره وکتل
د تخنيکي او مسلکي زده کړو ادارې رئيس مولوی غلام حيدر شهامت د کار او ټولنيزو چارو وزارت له معين مولوی مخدوم عبدالسلام سعادت سره وکتل.
په دې ناسته کې د تخنیکي او مسلکي زده کړو ادارې په چوکاټ کې د حرفوي زده کړو پر همغږي خبرې وشوې.
ښاغلي شهامت د تخنيکي او مسلکي زده کړو ادارې د روزنيزو خدمتونو د وړاندې کولو په ترڅ کې وويل چې د مسلکي کارکوونکو روزنه د دې ادارې له مهمو دندو څخه دی.
هغه زياته کړه، د تخنيکي او مسلکي زده کړو اداره د حرفوي زده کړو د خدمتونو د وړاندې کولو لپاره ښې اسانتياوې او تجهيزات لري.
د کار او ټولنيزو چارو وزارت معين وويل، د ماهر ځواک روزنه د دې وزارت او تخنیکې او مسلکي زده کړو ادارې له ګډو موخو څخه ده او د دواړو ادارو ترمنځ يې پر همکارۍ ټينګار وکړ.
په دې ناسته کې پرېکړه وشوه، چې د دواړو ادارو پلاوي به د حرفوي زده کړو د همغږۍ موضوع وڅېړي.
