د تخنيکي او مسلکي زده کړو ادارې مشر د برک موسسې له استازو سره وکتل
د تخنيکي او مسلکي زده کړو ادارې رئيس مولوی غلام حيدر شهامت د خپل کار په دفتر کې د برک موسسې له استازو سره وکتل.
د دواړو خواوو ترمنځ همکاري د لیدنې تمرکز وو.
د برک موسسې استازو وویل چې د یوې پروژې په چوکاټ کې د کرنې او خیاطۍ په برخه کې د هیواد په یو شمیر ولایتونو، کلیو او بانډو کې د زده کړې او د کار زمینه برابره کړي.
د تخنيکي او مسلکي زده کړو ادارې رئيس وويل، چې د دې ادارې روزنيز خدمتونه د ماهرو ځواک په روزلو او د بې وزلۍ په له منځه وړلو تمرکز کوي.
ښاغلي شهامت ټینګار وکړ چې د تخنیکي او مسلکي زده کړو ادارې د خلکو د خدمت او د بهرنیو مرستو د اغیزمنتیا په موخه هر ډول همکارۍ ته چمتو دی.
دتخنيکي اومسلکي زده کړو ادارې سلاکار روح الله هوتک چې په دې غونډه کې يې شتون درلود ددغه ادارې ښوونيزو مرکزونو په باب هراړخيز معلومات وړاندې کړل.
ښاغلي هوتک وویل، د تخنیکي او مسلکي زده کړو ادارې په ځانګړي ډول د کرنې او خیاطۍ څانګې روزنیز مرکزونه ښه تجهیزات او اسانتیاوې لري.
