د تخنيکي او مسلکي زده کړو ادارې سرپرست د بهرنیو چارو وزارت له سرپرست سره وکتل!
د تخنیکي او مسلکي زده کړو رئیس مولوی غلام حیدر شهامت د بهرنیو چارو وزارت له سرپرست مولوی امیرخان متقي سره وکتل.
په دې کتنه کې ښاغلي شهامت دبهرنيو چارو له وزارت څخه وغوښتل چې دتخنيکي او مسلکي زده کړو له ادارې سره دمرسته کوونکو او سفارتونو په همغږۍ کې همکاري وکړي.
دغه راز د تخنيکي او مسلکي زده کړو ادارې مشر له مولوی متقي سره د دغه ادارې کارکوونکو او روزنيزو مرکزونو زده کړیالانو لپاره د تحصیلی بورسونو د برابرولو په باب خبرې وکړې او په دې برخه کې يې د بهرنيو چارو وزارت د همکارۍ غوښتنه وکړه.
په پای کې د بهرنیو چارو سرپرست په پورتنیو برخو کې د تخنیکي او مسلکي زده کړو له ادارې سره د هر ډول همکارۍ ژمنه وکړه.
