د۱۴۰۰ مالي کال د بودجی طرحه کولو په استماعیه ناسته کې د تخنیکې او مسلکې زده کړو ادارې رهبري هیأت غړو ګډون
کابل- ۲۰ تلې -۱۳۹۹
د ۱۴۰۰ مالي کال د بودجی طرحه کولو استماعیه ناسته چې د ۱۳۹۹ کال د تلې میاشتی ۲۰ نيټه، د مالیی وزارت مالی معاون ښاغلی عبدالحبیب ځدراڼ په مشرۍ د یاد وزارت په انګړ کی جوړه شوی وه. د تخنیکې او مسلکې زده کړو ادارې رهبري هیأت په دغه ناسته کې ګډون کړی وو چې د کرونا وژونکی ناروغي څخه مخکې او وروسته دتخنیکی او مسلکی زده کړو وضعیت او د سولی پروسی باندې د خبرو کولو وروسته تخنیکې او مسلکې زده کړو ادارې په برنامو باندی بحث وشو.
د مالي او ادارې چارو مرستیال محمد ادریس اعظم پرمختیایی برنامې او د اکاډمیکو چارو مرستیال عبدالحمید اکبر د تخنیکې او مسلکې زده کړو ادارې پراختیایی برنامې تشریح کړی. چې ددغه برنامو پلې کول يې د کاربازار وضعیت په پرمختګ او د کار په پيدا کولو کې اغیزمن وګڼل.
عبدالحمید اکبر، د بودجه ای اصولو په پام کې نیولو سره، د مالیی وزارت ته ځانګړی وړاندیز وکړ او ددې وزارت لخوا د تخنیکې او مسلکې زده کړو ادارې برنامو څخه او د نوموړی ادارې ستراتیژیکو موخو په ترلاسه کولو کې د ملاتړ غوښتنه وکړه.
د مالیی محترم وزارت د بودجی استماعیه کمیټی غړو،د تخنیکې او مسلکې زده کړو ادارې د پراختیایی موخو له بررسی او شننی څخه وروسته ددې ادارې برنامې مهمي وګڼلی چې ددې برنامو پلي کول يی د اقتصادي وضعیت ښه والی، د کاربازار او کارموندنه کې ګټوري وارزولی.
هغوی ژمنه وکړه چې د تخنیکې او مسلکې زده کړو ادارې د موخو په ترلاسه کولو کې مرسته کوي.
