تخنيکي او مسلکي چارو مرستيال د تحقیق رياست له مديرانو او مسلکي غړو سره خبرې اترې وکړې
د تخنيکي او مسلکي زده کړو ادارې د تخنیکي او مسلکي چارو مرستیال مولوي غلام سعيد احساس د څیړنې او کیفیت تضمین ریاست له مديرانو او مسلکي غړو سره وکتل.
په دې ناسته کې د تحقیق ریاست کارکوونکو د خپلو فعالیتونو راپور وړاندې کړ او د راتلونکو پلانونو په اړه یې خبرې وکړې.
د تخنيکي او مسلکي چارو مرستيال د تحقیق رياست مسوولينو او غړو ته په خطاب کې وويل : دنده امانت دى او
«مونږ باید دغه امانت ته متوجه شو».
ښاغلي احساس د یاد ریاست له کارکوونکو وغوښتل، چې خپل مسوولیتونه په ښه توګه سرته ورسوي.
هغه زیاته کړه چې پرمختللي هېوادونه د خپلو ځوانانو په هڅو بډایه شوي دي. د تخنيکي او مسلکي چارو مرستيال وويل، افغانستان د طبيعي زېرمو له پلوه بډاى دى او «ځوانان بايد د هېواد د پرمختګ لپاره جدي کار وکړي».
