د کاپیسا ولایت «معاون انجنیري » انسټيټوټ د 1350 w لمریزې برښنا څخه برخمن شو
په کاپیسا ولایت کې د تخنیکي او مسلکي زده کړو ادارې مسؤلین وايي چې د ياد ولایت په «معاون انجنیری » انسټيټوټ کې یې سولر سیسټم نصب او له لمریزې برښنا برخمن شوی دی.
په ورته وخت کې د کاپيسا ولایت معاون انجنیري انسټيټوټ د برق څانګې محصلینو د سولر سیسټم د نصبولو د څرنګوالي په اړه په عملي بڼه روزنه ترلاسه کړه.
د یادونې وړ ده چې دا اقدام د تخنیکي او مسلکي زده کړو آمریت لخوا په یاد ښوونیز مرکز کې د غوره تعلیمي فرصتونو د برابرولو او د اداري چارو د ښه والي په موخه ترسره شوی.
د کاپیسا ولایت د تخنیکي او مسلکي زده کړو آمریت په وینا، د سولر سیسټم له نصبولو سره په دې ښوونیز مرکز کې د بریښنا نشتوالي او دغه راز د اداري او تعلیمي چارو په برخه کې تر ډيره تشې او ستونزې حل شوي دي.
