د تخنیکي او مسلکي زده کړو ملي ادارې اکاډمیک بورد غونډه جوړه شوه
د تخنيکي او مسلکي زده کړو ملي ادارې د اکاډمیک بورد غونډه د یادې ادارې د تخنيکي او مسلکي چارو مرستيال محترم مولوي غلام سعيد احساس په مشرۍ جوړه شوه.
د دې غونډې په پيل کې د اکاډمیک بورد د تیرې غونډې پرېکړې وڅېړل شوې او اړوندو څانګو د خپلو کړنو راپورونه وړاندې کړل.
د یادې غونډې په دوام کې د غونډې برخه والو د تعلیمي نصاب د پراختيا د لایحې د تعيين او همدارنګه له اداراتو سره د تفاهم ليکونو د لاسليک په باب خبرې وکړې او په دې برخه کې لازم تصميمونه ونيول شول.
د علمي بورډ په نننۍ غونډه کې پر نورو اړوندو موضوعاتو هم خبرې وشوې او غونډه په دعایې سره پای ته ورسېده.
