د تخنیکي او مسلکي زده کړو ملي ادارې رهبري غونډه جوړه شوه
د تخنيکي او مسلکي زده کړو ملي ادارې رهبري غونډه د یادې ادارې سرپرست ښاغلي الحاج مولوي غلام حيدر شهامت په مشرۍ جوړه شوه.
د دې غونډې په پیل کې د رهبري د تېرې غونډې پر پرېکړو خبرې وشوې او اړوندو څانګو د خپلو کړنو راپورونه وړاندې کړل.
په دوام کې د اجنډا سره سم له موسساتو سره د تعاملونو پر څرنګوالي، د کارکوونکو لپاره د امتیازاتو د تنظیم او ویش په ګډون په بېلابېلو موضوعاتو په مفصل توګه خبرې وشوې.
محترم مولوي شهامت څرګنده کړه، چې پر کارکوونکو د امتیازاتو د وېش په برخه کې باید عدالت تامین شي او حق باید حقدار ته ورکړل شي.
دغه راز په دې ناسته کې د یو شمېر تخنیکي او مسلکي زده کړو مرکزونه ته چې اوس مهال په کرایې ودانیو کې خپل چارې پر مخ وړي د ودانیو جوړولو پر څرنګوالي هم خبرې وشې.
د يادونې وړ ده چې د تخنيکي او مسلکي زده کړو ملي ادارې د رهبري په نننۍ غونډه کې د یادې ادارې د مقام دفتر رئيس استاد مطيع الله هدايت د نورو بنسټونو سره د یادې ادارې د ګډو فعاليتونو د تنظيم پر څرنګوالي هم خبرې وکړې.
په دې ناسته کې پر یو شمېر نورو مسایلو هم خبرې وشوې او نننۍ غونډه د دعایې په ویلو سره پای ته ورسېده.
