د افغان ملي بانک له مسوولینو سره د مالی او حسابي د رئیس غونډه ترسره شوه
د تخنيکي او مسلکي زده کړو ادارې مالي او محاسبې رئيس ښآغلي مولوي نياز محمد مختار د افغان ملي بانک له مسوولينو سره وکتل.
د یادې غونډې محور، د تخنیکي او مسلکي زده کړو ادارې د تعلیمي مرکزونو زده کوونکو ته د بدل اعاشې د ورکړې په اړه د یاد تفاهم لیک تمدید ویل شوی.
په دې کتنه کې دواړو لورو پرېکړه وکړه چې د یادې ادارې د ښوونیزو مرکزونو د زده کوونکو لپاره د بدل اعاشې د ورکړې په برخه کې د افغان ملي بانک له لارې د دواړو بنسټونو ترمنځ د همکارۍ تفاهمليک تمديد کړي.
د غونډې ګډونوالو خپل نظرونه شریک کړل او د یاد تړون د تمدید په اړه لازم تصمیمونه ونیول شول.
تر دې وړاندې د تخنیکي او مسلکي زده کړو ادارې د ښوونیزو مرکزونو د زده کوونکو بدل اعاشه د پنځه کلن قرارداد په ترڅ کې د افغان ملي بانک لخوا ورکول کیده.
