د تخنیکي او مسلکي زده کړو ادارې د اکاډمیک بورډ غونډه ترسره شوه
د تخنيکي او مسلکي زده کړو ادارې د اکاډمیک بورد غونډه د دغې ادارې د تخنيکي او مسلکي چارو مرستيال ښاغلي مولوي غلام سعيد احساس په مشرۍ ترسره شوه.
د دغې غونډې په پيل کې د اکاډمیک بورډ د تېرې غونډې پرېکړو باندې بیا کتنه وشوه او اړوندو څانګو د خپلو کړنو څرنګوالي راپور ورکړ.
دغه راز د اجنډا له مخې د هغو استادانو د حقوق او معاشونو د تطبيق پر څرنګوالي چې له زده کړو وروسته هېواد ته راستانه شوي، په يو شمېر ولايتونو کې د غير معياري ټولګيو او د اسلامي ثقافت د تدريس د ميکانيزم په ګډون پر بېلابېلو موضوعاتو خبرې وشوې.
د پورتنیو موضوعاتو په اړه ګډونوالو او اړونده رئیسانو خپل نظرونه شریک کړل او لازم تصمیمونه ونیول شول.
د تخنیکي او مسلکي زده کړو ادارې اکاډمیک بورډ د دوشنبې په ورځو کې د اړونده رئیسانو په حضور کې غونډه ترسره کوي او په دې غونډه کې د اکاډمیکو مسایلو او تخنیکي او مسلکي چارو په اړه لازمې خبرې او پریکړې کیږي.
