د حکومت د رسنیو مرکز د رئيس معرفي کولو په مراسمو کې د مولوي غلام حیدر شهامت ګډون او وینا
د حکومت د رسنيو مرکز رئيس نعيم الحق حقاني د معرفي په مراسمو کې د تخنيکي او مسلکي زده کړو ادارې سرپرست مولوي غلام حيدر شهامت ګډون او وينا وکړه.
په دغه مراسمو کې د ا.ا.ا د ویاند مرستیال، د ریاست الوزرا مقام د بشري سرچینو رئیس، د ملي دفاع وزارت لوی درستیز، د بدنې روزنې او المپیک ملي کمیټې عمومي رئیس، د ریاست الوزرا د عالي مقام د مطبوعاتو رئيس، د ژورنالستانو اتحاديې استازو او یو شمېر نورو دولتي چارواکو هم حضور درلود.
په دغه مراسمو کې د تخنيکي او مسلکي زده کړو ادارې سرپرست په خپلو خبرو کې په تېرو دوو کلونو کې په اقتصادي، ټولنيزو او فرهنګي برخو کې د ا.ا.ا حکومت لاسته راوړنو ته اشاره وکړه او ويې ويل، چې د دغو لاسته راوړنو د لا ښه انعکاس په موخه د حکومت د رسنیو مرکز معتبره مرجع ده.
د دغه مراسمو په داوم کې نورو ویناوالو هم د حکومت د رسنیو مرکز په اهمیت خبرې وکړې او دغه مرکز یې د حکومت د لاسته راوړنو په اړه د لاسته راوړنو د اطلاع رسونې په برخه کې مهم وباله.
په پای کې د حکومت د اطلاعاتو او رسنیو مرکز مشر مولوي نعیم الحق حقاني د چارواکو له ګډون او د حکومت له باور مننه وکړه.
د حکومت د اطلاعاتو او رسنیو مرکز مشر زیاته کړه، چې په تېرو دوو کلونو کې د افغانستان اسلامي امارت په بېلابېلو برخو کې ډېرې لاسته راوړنې لري چې د دغه مرکز له لارې به د دغو لاسته راوړنو د ښه انعکاس لپاره پرله پسې هڅې وشي.
