د خطاطۍ او رسامۍ سیالۍ لپاره د تخنیکي او مسلکي زده کړو ادارې چمتووالی
د تخنیکي او مسلکي زده کړو ادارې د مقام د دفتر ریاست د خطاطۍ او رسامۍ سیالیو ترسره کولو په موخه د همغږۍ ناسته ترسره کړه.
په دغې ناسته کې چې د اتصالات مخابراتي شرکت مسئولینو هم حضور درلود، دواړو لورو د دغه سیالیو د ترسره کولو د څرنګوالي او د سیالیو د چمتووالي په اړه خبرې وکړې.
د تخنیکي او مسلکي زده کړو ادارې استاد مطیع الله هدایت د دغه سیالیو په ترسره کولو او د پایلو په اعلان کې د شفافیت په اړه ډاډ ورکړ.
د خطاطۍ او رسامۍ سیالي د تخنیکي او مسلکي زده کړو ادارې د فرهنګي کمیټې په نوښت او د اتصالات مخابراتي شرکت په مالي ملاتړ ترسره کیږي.
