په ارزګان کې د افغانستان ا.ا «مجاهدینو» درې میاشتنۍ روزنیزه دوره په لاره واچول شوه
د ارزګان ولایت تخنیکي او مسلکي زده کړو امریت د افغانستان ا.ا «مجاهدینو» د ظرفیت لوړولو په موخه چې په دولتي ادارو کې د مامورینو په صفت ګمارل شوي دي، درې میاشتنې روزنیزه دوره جوړه کړه.
په دغه دوره کې د کمپیوټر مهارتونه، مدیریت او انګلیسي ژبه تدریس کیږي. دغه روزنیزه دوره له څو ورځو راهیسې پیل شوی او اوس هم دوام لري.
په نورو ولایتونو کې د تخنیکي او مسلکي زده کړو امریتونو هم د نویو ګمارل شویو کارکوونکو او "مجاهدینو" لپاره د ظرفیت لوړونې کورسونه جوړ کړي دي. تر اوسه پورې له دغو دورو څخه لسګونه کسان فارغ شوي دي.
د تخنیکي او مسلکي زده کړو اداره هڅه کوي چې دغه برنامه په ټولو ولایتونو کې پراخه کړي.
