د کندهار ولایت په محبس کې د لنډمهاله حرفوي روزنیز پروګرام لړۍ دوام لري
د مبایل ترمیم لنډمهاله حرفوي روزنیز پروګرام، چې څه موده وړاندې د کندهار ولایت د تخنیکي او مسلکي زده کړو آمریت لخوا د دې ولایت په محبس کې پیل شوی و، دوام لري.
دا روزنیز پروګرام د کندهار د تخنیکي زده کړو آمریت لخوا د کار هڅونې، په ټولنه کې د بې کارۍ کمولو او په ټولنه کې د محبوسینو د بیا ادغام په موخه پیل شوی.
ګډونوالو، د دې پروګرام د ترسره کولو څخه قدرداني وکړه، او د تخنیکي او مسلکي زده کړو ادارې له مسؤلینو یې وغوښتل چې د نوموړو لپاره د دغه شان روزنیزو پروګرامونو په لاره اچولو ته دوام ورکړي.
له بلې خوا، د کندهار د محبس مسؤلینو د تخنیکي او مسلکي زده کړو ادارې دغه اقدام د ټولنې مختلفو اقشارو لپاره د روزنیز فرصتونو په برابرولو کې یوه لویه لاسته راوړنه وبلله او د دې اقدام ستاینه یې وکړه.
د تخنیکي او مسلکي زده کړو ادارې رهبري ژمن دي چې د ټولنې بېلابېلو قشرونو ته د تخنیکي او مسلکي زده کړو زمینه برابره کړي ترڅو وګړي وکولی شي د ټولنې اقتصادي پرمختګ او په هیواد کې د فقر کمولو په برخه کې مستقیمه ونډه واخلي.
