د پروان کثیرالرشتوي انستیتوت د اداري او مالي مرستیال له لوري وڅېړل شو
ښاغلي فضل الرحمن فاضل، د تخنیکي او مسلکي زده کړو ادارې، د مالي او اداري چارو مرستیال پروان ولایت ته په خپل سفر کې د دغه ولایت د مرکز کثیرالرشتوي انستیتوت وضعیت وڅېړه.
نوموړی په خپل سفر کې د تخنیکي او مسلکي زده کړو ادارې یو پلاوی له ځان سره لري.
ښاغلي د زده کړې مرکز د زده کړې له ورکشاپونو، لابراتوار، کتابتون، او دیپو څخه لیدنه وکړه، ښاغلي فاضل صاحب د چارو د سمون په موخه مسؤلینو ته لازمې لارښوونې وکړې.
هغوی پلان لري چې د دغه سفر په اوږدو کې نورو ولایتونو ته لکه کاپیسا او ننګرهار ته هم سفر وکړي. د دغه سفرونو موخه د تخنیکي او مسلکي زده کړو مرکزونو اړتیاو ته رسیدګي کول بلل شوي دي.
