د پروان ولایت مرکزکثیرالرشتوي انسټیټوټ محصلینو عملي زده کړو بهیر
د پروان ولایت اړوند مرکز کثیرالرشتوي انسټیټوټ د وترنرۍ څانګې، محصلینو ته د هاضمه سیسټم په اړه په عملي بڼه روزنه ورکړل شوه.
په یادې درسي جلسې په ترڅ کې،لارښود استاد د درسي پلان سره سم نوموړو ته " د هاضمه سیسټم" په عملي ډول تشریح کړه. دغه راز محصلینو هم د هاضمې سیسټم له نږدې څخه ولیده او ورسره بلد شول.
د محصلینو لخوا د عملي روزنو د زده کولو موخه، د موضوع ښه درک کول او په راتلونکي کې د عملي کار لپاره ډیر چمتوالی او آمادګی ویل کېږي.
په ورته وخت کې، د تخنیکي او مسلکي زده کړو ادارې رهبري هڅه کوي چې د دې ادارې په ټولو ښوونیزو مرکزونو کې د عملي زده کړو لا ډیرې زمینې برابرې کړي.
