د محصلینو له لوري د کیمیاوي تعاملاتو او بریښنا تولید په برخه کې د عملي زده کړو بهیر
عملي زده کړې زده کونکو ته دا امکان ورکوي ترڅو هغه مهارتونه چې هغوی ورته د کار په بازار کې اړتیا لري، زده کړي. لکه د وسایلو تجهیزاتو سره کار کول، آزمایشونه، ټیکنالوژۍ، او صنعتي تجهیزات چې د نوموړو په کاري راتلونکي کې خورا ګټور ثابت کیدی شي.
په همدې اساس، د فاریاب ولایت مرکز کثیرالرشتوي انسټیټوټ د برق انجینرۍ څانګې محصلینو ته د یاد ښوونیز مرکز په عملي ورکشاپ کې د« کیمیاوي تعاملاتو په ترڅ کې د بریښنا تولید» په اړه عملي روزنه ترلاسه کړه.
د دې درسي جلسې په دوام کې، لارښود استاد محصلینو ته د کیمیاوي تعاملاتو او د برق انرژۍ د تولید کولو په اړه په مفصله توګه توضیحات وړاندې کړل او د نوموړو پوښتنو ته یې ځوابونه هم ورکړل.
د عملي روزنو زده کړه محصلینو سره مرسته کوي چې هغوی مطالب په ژوره توګه او علمي مفاهیم په ډیر کاربردي او عملي ډول درک کړي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ پیاوړې کړي.
