د لغمان ولایت د کرنې او وترنرۍ انسټیټوټ محصلینو ته د چوچه کشۍ ماشین په اړه روزنه ورکړل شوه
د لغمان ولایت د کرنې او وترنرۍ انسټيټوټ د وترنرۍ څانګې محصلینو ته د چوچه کشۍ ماشینونو په اړه په عملي ډول روزنه ورکړل شوه.
په دې درسي جلسه کې، نوموړو د ماشین په واسطه د چرګانو د چوچه کشۍ «جوړګوړو ایستلو» د مراحلو په اړه په عملي بڼه روزنه ترلاسه کړه، دغه راز لارښود استاد د هغوی پوښتنو ته ځوابونه هم وویل.
عملي زده کړې، د زده کړو د بنسټیزو ستنو په توګه، محصلینو سره مرسته کوي ترڅو دندې رامینځته او د کار په بازار کې د جذب کېدو توان ترلاسه کړي.
له همدې امله، د تخنیکي او مسلکي زده کړو ادارې رهبري د تخنیکي او مسلکي زده کړو په مرکزونو کې د عملي زده کړو پر لا پیاوړتیا ټینګار کوي.
