د سرپل صیاد ولسوالۍ کې د تخنیکي او مسلکي زده کړو د اهمیت په اړه عامه پوهاوي ترسره شو
د سرپل د تخنیکي او مسلکي لیسې آمر او استادان د یاد ولایت صیاد ولسوالۍ ته ولاړل او د یادې ولسوالۍ د عمومي زده کړو د ښوونځیو مسؤلینو ته یې د تخنیکي او مسلکي زده کړو د اهمیت په اړه معلومات ورکړل.
دوی د صیاد ولسوالۍ د هلکانو عالي لېسې او د دغه ولسوالۍ د انګشکه منځني ښوونځي څخه لیدنه وکړه.
د تخنيکي او مسلکي زده کړو په مرکزونو کې د زده کړیالانو د جذب پروسه د روان کال د کب په مياشت کې د تخنيکي او مسلکي زده کړو ادارې د اطلاعاتو او عامه اړيکو آمریت په نوښت په ټولنيزو شبکو کې هم پيل شوه.
د دغه کمپاین موخه د تخنیکي او مسلکي زده کړو د اهمیت په اړه د پوهاوي لوړول دي.
