د تخنیکي او مسلکي زده کړو ادراې اداري غونډه ترسره شوه
د تخنيکي او مسلکي زده کړو ادارې د مالي او اداري چارو معاونیت غونډه د دغه ادارې مالي او اداري مرستيال مفتي فضل الرحمن فاضل په مشرۍ جوړه شوه.
د دغه ناستې په پیل کې د تېرو غونډو په پرېکړو خبرې وشوې.
دغه راز په دغه غونډه کې د ۱۴۰۲ مالي کال د تدارکاتي پلان او د ولايتونو په تخنيکي مرکزونو کې د اجناسو جمع او قید د پروسې په اړه لازم تصميمونه ونيول شول.
په نننۍ غونډه کې پرېکړه وشوه، چې د تخنيکي او مسلکي زده کړو اداره د اداري او مالي چارو د لا ښه والي په موخه دې يوه مالي او اداري کمېټه جوړه شي.
