د تخنیکي او مسلکي زده کړو ادارې له خوا د درې لنډ مهاله حرفوي پروګرامونو افتتاح
د تخنیکي او مسلکي زده کړو ادارې اړوند د حرفوي پروګرامونو د سمون ریاست د کابل ښار د کرنې او خوراکي توکو د پروسس په انسټيټوټ کې درې لنډ مهاله حرفوي پروګرامونه پرانیستل.
په دې لنډ مهاله پروګرامونو کې شاوخوا ۱۰۰ تنه محصلینو ته د ۳ میاشتو لپاره د میوو او سبزیجاتو د پروسس، مرغدارۍ او لبنیاتو د پروسس په برخه کې روزنه ورکول کیږي.
د حرفوي پروګرامونو د سمون ریاست مسوولینو په وینا، د تخنیکي او مسلکي زده کړو اداره تل هڅه کوي، چې د تخنیکي او مسلکي زده کړو په مرکزونو کې د عملي زده کړو په برخه کې د زده کړو ټولې زمینې او ښه شرایط برابر کړي.
دا په داسې حال کې ده چې تر دې وړاندې هم د تخنيکي او مسلکي زده کړو ادارې له لنډ مهاله حرفوي پروګرامونو څخه سلګونه محصلين فارغ او دم ګړۍ د کار په بازار کې په کارونو بوخت دي.
