د تخنیکي او مسلکي زده کړو ادارې ستراتیژي معرفي شوه
د تخنیکي او مسلکي زده کړو ادارې پنځه کلنه ستراتیژي د مسؤلینو او رئیسانو په شتون کې معرفی شوه.
د دغه ناستې په شروع کې مولوي نیک محمد نېکمل د پلان او ستراتیژیکو اړیکو د همغږی رئیس د تخنیکي او مسلکي زده کړو ادارې د ستراتیژی په هکله خبرې وکړې.
او په جریان کې د پلان ریاست کارکوونکو د ستراتیژی جزئیات وړاندې کړل.
عبدالله محمدی له خصوصي سکتور سره د همغږی متخصص وویل دغه ستراتیژي د تخنیکي او مسلکي زده کړو ادارې موخې او کړنې په راتلونکو پنځو کلونو کې تعینوي.
د هغه په قول؛ تخنیکي او مسلکي زده کړو ته د لاسرسي زیاتوالی، په بازار کې د کار له شرایطو سره سم د تخنیکي او مسلکي زده کړو د کیفیت لوړوالی او تخنیکي او مسلکي زده کړو د مدیریت چوکات ته وده ورکول د یادې ستراتیژی له عمومي موخو او کړنو څخه دي.
د ناستې په جریان کې، د تخنیکي او مسلکي زده کړو ادارې رئیسانو د یادې ستراتیژی په هکله خپل نظرونه وړاندې کړل.
