د تخنیکي او مسلکي زده کړو ادارې د اکاډمیک بورډ غونډه ترسره شوه
د تخنيکي او مسلکي زده کړو ادارې د اکاډمیکو چارو د انسجام بورډ غونډه د دغې ادارې د تخنيکي او مسلکي چارو مرستيال مولوي غلام سعيد احساس په مشرۍ ترسره شوه.
په دغې غونډه کې د شپي تخنیکي او مسلکي زده کړو نوی کړنلارې د مسودې د نهايي کولو، د نویو فني کادرونو د کړنلارې د مسودې نهايي کولو، د ښوونیزو مرکزونو د اداري مدیرانو لپاره د اضافه کاري او د اسلامي ثقافت مضمون د تدریس د اصلاح میکانیزم په اړه بحث او د نظرونو تبادله وشوه.
ښاغلي احساس د تخنيکي او مسلکي زده کړو په مرکزونو کې د شپې برخې د جوړېدو په اړه وويل چې د اړتيا له مخې د دې برخې جوړول اغېزمن دي.
د غونډې ګډونوالو هم د دې او نورو مسایلو په اړه خپل نظرونه وړاندې کړل او لازم تصمیمونه ونیول شول.
