د تخنيکي او مسلکي زده کړو ادارې پلاوي د کندز ولایت د تخنيکي زده کړو له مرکزونو څخه ليدنه وکړه
د تخنیکي او مسلکي زده کړو ادارې د مالي او اداري چارو مرستیال، محترم مفتي فضل الرحمن فاضل، د دې ادارې د یوه پلاوي په مشرۍ کندز ولایت ته سفر وکړ او د یاد ولایت د تخنیکي او مسلکي زده کړو مرکزونو له تدریسي وضعیت څخه څارنه وکړه.
په همدې حال کې محترم مفتي فاضل او ورسره مل پلاوي یې د کندز ولایت د امام صاحب، قلعه زال او چهار درې ولسوالیو د تخنیکي او مسلکي زده کړو له مرکزونو څخه لیدنه وکړه.
دغه ولایت ته د تخنیکي او مسلکي زده کړو ادارې د پلاوي د سفر موخه د تخنیکي او مسلکي زده کړو د مرکزونو د ستونزو حل او د اړتیاوو په ګوته کول دي.
دا په داسې حال کې ده چې د تخنیکي او مسلکي زده کړو ادارې رهبري تل هڅه کوي تر څو د ښوونیز وضعیت څخه د لیدنې او ارزونې له لارې په ولایتونو کې د تخنیکي او مسلکي زده کړو کیفیت ښه کړي.
