د تخنيکي او مسلکي زده کړو ادارې سرپرست د بلخ له مرستيال والي سره وکتل
مولوي غلام حيدر شهامت د څیړنو په بهیر کې د بلخ ولايت دتخنيکي او مسلکي زده کړو د مرکزونو دڅيړنې په ترڅ کې د یاد ولايت له والي مولوي نورالهادي ابو ادريس سره وکتل او خبرې اترې يې وکړې
په دغې کتنه کې دواړو لورو په بلخ ولایت کې د تخنیکي او مسلکي زده کړو د مرکزونو د ستونزو او اړتیاوو د حل پر څرنګوالي خبرې وکړې.
د تخنيکي او مسلکي زده کړو ادارې سرپرست د بلخ له مرستيال والي سره په کتنه کې د تخنيکي او مسلکي زده کړو ادارې د لاسته راوړنو او برنامو په اړه خبرې وکړې او ويې ويل، د بې وزلۍ له منځه وړل او د مسلکي کاري ځواک روزل د دغې ادارې له اساسي موخو څخه دي.
له بل پلوه د بلخ مرستيال والي د تخنيکي او مسلکي زده کړو ادارې د لاسته راوړنو او برنامو ستاينه وکړه او د دغه ولايت د تخنيکي او مسلکي زده کړو له مرکزونو څخه يې د ملاتړ ډاډ ورکړ.
دا مهال مولوي غلام حیدر شهامت په بلخ کې د تخنیکي او مسلکي زده کړو د مرکزونو د اړتیاوو او ستونزو د حل په موخه یاد ولایت کې دی.
