د بلخ ولايت تخنيکي او مسلکي زده کړو آمر د زده کوونکو او زده کړیالانو له والدينو سره خبرې وکړې
د بلخ ولايت تخنيکي او مسلکي زده کړو آمر مولوي نورالله صلاح الدين د یاد ولايت د نفت او ګازو انسټيټوټ زده کوونکو له والدينو او ممتازو زده کړیالانو سره وکتل.
په هغه غونډه کې چې په همدې موخه جوړه شوې وه، د بلخ ولايت تخنيکي او مسلکي زده کړو آمر د تخنيکي او مسلکي زده کړو ادارې پر اهميت او تګلارې خبرې وکړې.
په دې کتنه کې د بلخ نفت او ګازو انسټيټوټ آمر لعل محمد توخي د زده کوونکو له والدينو د همکارۍ له امله مننه وکړه او د هغوى د ماشومانو د برياليتوب له امله يې مبارکي وويله.
په دې کتنه کې عبدالوکیل مستقیم د زده کړیالانو د والدینو په استازیتوب خبرې وکړې او د نفت او ګازو انسټیټوټ د استادانو د هڅو قدرداني یې وکړه.
د پروګرام په پای کې د انستیتیوت د ادارې له خوا ممتازو زده کوونکو او زده کړیالانو ته ستاینلیکونه ورکړل شول.
