د برښنا په اړه د بلخ ولایت اړوند سجادیه انسټيټوټ محصلینو د عملي زده کړو بهیر
د بلخ ولایت اړوند سجادیه انسټيټوټ د برښنا څانګې محصلینو ته د یاد ولایت له یوه سب سټیشن څخه د لیدنې په ترڅ کې د برېښنا په اړه په عملي بڼه روزنه ورکړل شوه.
لارښود استاد د درس په ترڅ کې نوموړو ته د ولټاژ، ټرانسفارمرونو او سب سټیشن د تجهیزاتو په اړه په مفصله توګه توضیحات وړاندې کړل.
د تخنيکي او مسلکی زده کړو په مرکزونو کې عملي زده کړې د زده کړو اساسي برخه جوړوي، دغه زده کړې له زده کوونکو سره مرسته کوي ترڅو نوموړي له فراغت وروسته په مستقيم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په مرکزونو کې د عملي زده کړو لړۍ لا پياوړې کړي.
