د برق په اړه د جوزجان تخنیکي انسټيټوټ د محصلینو د عملي زده کړو بهیر
د جوزجان ولايت تخنيکي انسټيټوټ د دولسم ټولګي زده کوونکو د علمی سفر په ترڅ کې د یاد ولايت د شبرغان ښار له سب استیشن څخه لیدنه وکړه او هغوی ته د برېښنا په اړه په عملي ډول روزنه ورکړل شوه.
لارښود استاد زده کوونکو ته د بریښنا ولټاژ په اړه په مفصل بڼه توضیحات وړاندې کړل.
د تخنیکي او مسلکي زده کړو په مرکزونو کې زیاتره زده کړې عملي دي، څو د تخنیکي او مسلکي زده کړو د مرکزونو فارغین په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
