د میدان وردګو ولایت اړوند چک کثیرالرشتوي انسټيټوټ د محصلینو د عملي زده کړو بهیر
د میدان وردګو ولایت اړوند د چک ولسوالۍ کثیرالرشتوي انسټيټوټ د ساختماني څانګې محصلینو د یاد ولایت د ګرداب د بي بي هاجرې (رض) لېسې ته د یوه علمي سفر په ترڅ کې د ساختماني چارو په اړه په عملي بڼه روزنه ورکړل شوه.
لارښود استاد نوموړو ته د ساختمان او د ساختمان د قالب بندۍ په اړه په مفصله توګه توضیحات وړاندې کړل او د محصلینو پوښتنو ته یې ځوابونه وویل.
د تخنیکي او مسلکي زده کړو په مرکزونو کې د زده کړو لویه برخه عملي ده، له همدې امله د تخنیکي او مسلکي زده کړو د مرکزونو فارغان له فراغت وروسته په مستقیم ډول د کار بازار ته جذبیږي.
