د پکتيا د څمکنيو ولسوالۍ د کرنې انسټیټوټ د يوه زده کړیالان له خوا د ممپلیو آزمایښتي کښت ترسره شو
عمران چې د پکتیا ولایت د څمکنيو ولسوالۍ د کثیرالرشتوي انسټیټوټ د کرنې په برخه کې یو له هغه نوښتګرو زده کړیالانو څخه دی، د یوې څیړنیزې پروژې په ترڅ کې یې د ممپلیو آزمایښتي کښت ترسره کړ.
نوموړي په دې پروژه کې، د ممپلیو کښت لپاره اقلیمي عوامل، اوبو او د خاورې شرایط څیړلي دي.
عمران وايي چې دې تجربې مثبته نتیجه ورکړې او له نیم کیلوګرامه میمپلي تخم څخه یې لس کیلوګرامه حاصل ترلاسه کړی دی.
هغه زياتوي، چې د څمکنيو ولسوالۍ د ممپلیو کښت لپاره مناسبه سيمه ده او د یادې ولسوالۍ د اوسېدونکو لپاره د عايد يوه ښه سرچينه کېدای شي.
د یادولو وړ ده چې د نوښتګرو، تکړه او متخصص انساني ځواک روزل د تخنیکي او مسلکي زده کړو د ادارې له مهمو موخو څخه دي.
