د بلخ ولایت نفتو او ګازو انسټیټوټ د تخنیکي ورکشاپونو وضعیت وڅیړل شو
د بلخ ولایت تخنیکي او مسلکي زده کړو آمر مولوي نورالله صلاح الدین د یاد ولایت نفتو او ګازو له انسټیټوټ څخه لیدنه وکړه.
ښاغلي صلاح الدین د بلخ د نفتو او ګازو انسټیټوټ تخنیکي ورکشاپونو څخه کتنه وکړه او د زده کړیالانو عملي کارونو ته یې په جدي پاملرنې ټینګار وکړ.
د بلخ د نفتو او ګازو انسټیټوټ آمر لعل محمد توخي د زده کړیالانو عملي کارونو د پرمختګ لپاره د اومو موادو رول مهم وباله او د لا زياتو امکاناتو برابرولو غوښتنه يې وکړه.
د تخنیکي او مسلکي زده کړو په مرکزونو کې تر ۶۰٪ زیاتې زده کړې عملي دي. تر څو د دغو مرکزونو فارغان له فراغت وروسته په مستقیم ډول د کار بازار ته جذب شي.
د مسلکي، ماهر او کارپوه ځواک روزنه د تخنیکي او مسلکي زده کړو ادارې یو له مهمو موخو څخه دی.
