د تخنيکي او مسلکي زده کړو ادارې سرپرست د د څارنې له پلاوي سره وکتل
ولایتونو ته تر سفر مخکې د تخنیکي او مسلکي زده کړو ادارې د څارنې پلاوي د دې ادارې له سرپرست مولوي غلام حیدر شهامت سره وکتل.
په دې کتنه کې د اکاډمیکو چارو مرستيال استاد نورمحمد عزيزي د څارنې پلاوي سفر برنامې د تخنيکي او مسلکي زده کړو له سرپرست سره شريکې کړي.
ښاغلي شهامت د څارنې پلاوي چارواکو ته خطاب وکړ او ویې ویل، چې د څارونکو په توګه باید د څارنې پر مهال عدالت او ادارې موخې په پام کې ونیسي.
د تخنيکي او مسلکي زده کړو ادارې سرپرست له راغلي پلاوي وغوښتل، چې ولايتونو تخنيکي او مسلکي زده کړو مرکزونو وضعیت دې په شفاف او عادلانه ډول وڅېړي.
ښاغلي شهامت وویل، د تخنیکي او مسلکي زده کړو ادارې ټولې چارې او پرېکړې د ټاکل شوی پلاوي د ارزونې له پایلو سره سمې دي.
د اکاډمیکو چارو مرستيال دغه راز خپلې توصیی او وړانديزونه وړاندې کړل او ويې ويل چې دغه پلاوي دې هڅه وکړي چې خپل راپورونه هره ورځ له مرکز سره شريک کړي.
