د تخنیکي او مسلکي زده کړو ادراې مالي او اداري غونډه ترسره شوه!
د تخنيکي او مسلکي زده کړو ادراې مالي او اداري غونډه د دغه ادراې د مرستيال مفتي فضل الرحمن فاضل په مشرۍ جوړه شوه.
په دې غونډه کې د ادارې مالي رئیسانو، امرینو او خدماتو ریاست رئیس هم ګډون درلود، چې په اداري موضوعاتو لکه د الکترونیکي حاضری فعالول، په اداره کې د انټرنټ زیاتوالي، د ډیپو لپاره د ډیجیټل ډیټابیس د جوړولو او د NTA د کارکوونکو د قرارداد د تمدید په اړه بحث وشو.
غونډې کمیټو ته دنده وسپارله چې پورتنۍ ستونزې وڅیړي او په راتلونکې ناسته کې یې د حل لپاره وړاندیزونه وکړي.
په غونډه کې پرېکړه وشوه، چې د انسټیتونو په ترانسپورتي وسایطو کې دې د تخنیکي او مسلکي زده کړو ادراې تابلو ونښلول شی.
