د چپرهار زراعت انسټیټیوټ د محصلینو د فراغت مراسم ترسره شول

media_admin
یکشنبه ۱۴۰۵/۳/۳۱ - ۹:۱۴

د ننګرهار ولایت د چپرهار زراعت انسټیټیوټ د محصلینو فراغت مراسم د سیمه‌ییزو مسؤلینو، علماوو، قومي مشرانو، د محصلینو کورنیو او یو شمېر ځوانانو په حضور کې ترسره شول.

د فراغت په مراسمو کې ویناوالو د تخنیکي او مسلکي زده‌کړو پر اهمیت، د مسلکي کادرونو پر رول د هېواد په اقتصادي ودې کې، او د افغانستان د پرمختګ او آبادۍ په بهیر کې د ځوانانو پر مسؤولیتونو خبرې وکړې.

د ننګرهار ولایت د تخنیکي او مسلکي زده‌کړو آمر د خپلې وینا پر مهال تخنیکي او مسلکي زده‌کړې د پرمختګ، اقتصادي ځان‌بسیاینې او د ټولنې د اړتیاوو د پوره کولو له اساسي ستنو څخه وبللې.

نوموړي د چپرهار انسټیټیوټ له فارغانو وغوښتل چې د خپلو ترلاسه کړو علمي او مسلکي مهارتونو په مټ د هېواد خدمت، د کرنې د سکتور پراختیا، د تولیداتو زیاتوالي او د افغانستان د آبادۍ په برخه کې اغېزناک رول ولوبوي.

هغه همدارنګه د سیمه‌ییزو مسؤلینو، د معارف استازو، علماوو، قومي مشرانو او ټولو مېلمنو له همکارۍ او ګډون څخه مننه وکړه.

نورو ویناوالو هم په هېواد کې د مسلکي زده‌کړو پر اهمیت ټینګار وکړ او په دې برخه کې یې د مسؤلینو د لا زیاتې پاملرنې غوښتنه وکړه.

یاد مراسم د چپرهار زراعت انسټیټیوټ ۶۷ تنو محصلینو ته د فراغت سندونو په ورکولو سره پای ته ورسېدل.

تازه خبرونه

یکشنبه ۱۴۰۵/۸/۲۴ - ۱۶:۱۵
Background image

د تخنیکي او مسلکي زده‌کړو ادارې د کارکوونکو لپاره د ظرفیت لوړونې پروګرام جوړ شو

د تخنیکي او مسلکي زده‌کړو ادارې د کارکوونکو چارو ریاست د کارکوونکو د ظرفیت لوړولو او د مسلکي مهارتونو د پیاوړتیا په موخه، د ادارې د نویو ګومارل شویو کارکوونکو لپاره د کمپیوټري. . .

شنبه ۱۴۰۵/۸/۲۳ - ۱۵:۲۱
Background image

د مجاهدینو د روزنې لپاره د ادارې او مدیریت څانګې تعلیمي نصاب بیاکتنه وشوه

د تخنیکي او مسلکي زده کړو ادارې د تعلیمي نصاب ریاست مسؤلین وایي، چې د مجاهدینو د روزنې لپاره د ادارې او مدیریت څانګې د تعلیمي نصاب د بیاکتنې او پراختیا بهیر، د کابل پوهنتون له استادانو. . .

شنبه ۱۴۰۵/۸/۱۶ - ۱۳:۴۸
Background image

د تخنیکي او مسلکي زده‌کړو ادارې د دعوت او ارشاد ریاست له لوري اصلاحي غونډه جوړه شوه

د هېواد یوه دیني عالم، محترم مولوي هدایت‌الله، په یوه ښوونیزه غونډه کې د حضرت عمر فاروق (رضی‌الله‌عنه) د حکومتولۍ د څرنګوالي او په اسلامي نظام کې د کارکوونکو د مسؤلیتونو او مکلفیتونو په. . .

BACK TO NEWS